Prajashilp digital ,
देगलूर : तालुकास्तरीय पावसाळी क्रीडा स्पर्धेत यावर्षीही देगलूस्या निती निकेतनचे मानव्य विकास विद्यालयाने दबदबा कायम राखत कबड्डी ,बॅडमिंटन व लांब उडी स्पर्धेमध्ये प्रथम क्रमांक मिळवत आपले वर्चस्व कायम ठेवले आहे.
या स्पर्धेत सतरा वर्ष वयोगखालील मुलांच्या कबड्डी स्पर्धेमध्ये मानव्य विकास विद्यालयाच्या मुलांनी बाजी मारत प्रथम क्रमांक पटकावले आहे त्यामुळे त्यांची जिल्हास्तरासाठी निवड झाली आहे तसेच 14 वर्षे वयोगटाखालील मुलींच्या टीमने ही प्रथम क्रमांक पटकावले आहे आणि त्यांची ही निवड जिल्हास्तरासाठी झाली आहे. तर, तालुकास्तरीय बॅडमिंटन स्पर्धेमध्ये 14 वर्षे वयोगटातील मुलींनी बाजीमारत सिंगल व डबल स्पर्धेमध्ये यश प्राप्त केले असून तालुक्यात प्रथम एक जिल्हास्तरासाठी निवड झाली आहे. याशिवाय, तालुकास्तरीय लांब उडी या स्पर्धेत मानव्य विकास विद्यालय देगलूर चा विद्यार्थी शैलेश नामेवार याचा प्रथम क्रमांक पटकावला असून जिल्हास्तरासाठी निवड झाली आहे.
कबड्डी बॅडमिंटन लांब उडी या स्पर्धेमध्ये प्रथम आलेल्या सर्व खेळाडूंची विद्यालयाच्या मार्फत पुष्पहार देऊन प्रार्थनेच्या वेळी सत्कार करण्यात आला. याप्रसंगी खेळाडूंना मार्गदर्शन करणारे क्रीडा शिक्षक बालाजी पिंडकुरवार, मिलिंद हावरगेकर यांचा विद्यालयाच्या वतीने सत्कार करण्यात आला.
यावेळी शाळेचे मुख्याध्यापक संतोष कोल्हे ,उप मुख्याध्यापक शामकोले पर्यवेक्षक शरद हांद्रे सुजित कांबळे गोविंद पवार आदी सर्व शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते.
दर वर्षाप्रमाणे यावर्षीही विद्यालयाच्या खेळाडूंनी तालुका क्रीडा स्पर्धेत घवघवीत यश मिळवल्यामुळे नीती
निकेतन शिक्षण संस्थेचे अध्यक्ष अनिल कोल्हे यांनी सर्व खेळाडूंचे व मार्गदर्शक शिक्षकांचे अभिनंदन केले आहे.
